Khosoo’s random world

Бизнесмэнүүд сагсан бөмбөгөөс юу сурч болох талаар бичсэн нэгэн нийтлэлийг хөрвүүллээ. Энэхүү бичвэрийг Форбс сэтгүүлийн нийтлэлч Роберт Рейсс бичсэн юм.

Нью Йорк Никс баг энэ жил онцгой амжилтыг үзүүлж байна. Тэд одоогийн байдлаар 51 ялж, бүр 13 дараалсан ялалт байгуулаад байна. Ингэснээр Атлантик дивизионыг сүүлийн 20 орчим жилийн хугацаанд анх удаагаа тэргүүлэхээр боллоо. Read the rest of this entry →

Өнгөрсөн хугацаанд www.sportnews.mn онлайн сэтгүүл маань овоо л ажиллалаа. Цаашид хийх, засч залруулах, өргөжүүлэх зүйл маш их байна.

Өнгөрсөн долоо хоногт Монголд болсон томоохон арга хэмжээнүүдийн нэг нь Чингис Хаан-2009 жүдо бөхийн дэлхийн цомын тэмцээн байлаа. Хэдийгээр зохион байгуулахад хугацаа тулсан байсан хэдий ч Женко Х.Баттулгын ачаар засгийн газрын нөөц хөрөнгөнөөс хүртэл мөнгө гаргаж бүгд идэвхийлэн ажиллалаа. Read the rest of this entry →

шинэ он гарлаа. Он гарахын өмнө блогтоо өнгөрсөн жилийнхээ ололт амжилтыг бичье гэж бодсон болоюч нэг л сонин санагдаад больчихсон.

Өнөөдөр маш муу мэдээ сонслоо. Нэг найз минь нас барж. Бид хоёр тийм дотно нийлдэггүй байсан ч уулзах болгонд би түүнээс юм сурч, хамт гоё юм ярьж, цаашдаа өчнөөн олон юм хийнэ гэж ярилцдаг байлаа. Хамт Спортын цонхыг гоё болгоно, бэлтгэдэг нэвтрүүлгээ яаж гоё болгох уу гээд л олон юм ярина. Хөгжим, спорт гээд ярихгүй юм байхгүй.Тэр зүгээр л сайн хүн байсан. Хэтэрхий залуугаараа явчихлаа. Цаашид зөндөө юм хийх байсан залууу.

Чи бурхны оронд очноо. Ум сайн амгалан болтугай.

Эхнэр хүүхдийг нь бодохоор л хэцүү санагдаад байх юм.

Дэлхийн их гүрэн АНУ 20-р зуунд их хүчирхэгжсэн. Тэдний амжилт олон талын л нөлөөнөөс болж бий болсон байх. Америкчуудын энэ амжилтанд “Америк мөрөөдөл” гэдэг зүйл бас их нэмэр болсон байж болох юм. Өөрсдөө энэндээ их дуртай, рекламдахдаа ч гарамгай улсууд. Гол утга нь америкд ирсэн ямар ч хүн өөрийнх нь яс үндэс, гарал угсаа, арьсны өнгө, шашин шүтлэг үл хамааран хөдөлмөрлөсний хүчинд итгэмээргүй амжилтанд хүрч болно гэсэн утгатай. Ийм замаар баяжиж, амжилтанд хүрсэн хүмүүсээ их рекламдаж дэлхийн даяар байгаа олон олон авьяастай аавын хүүхдүүдийг даллаж, мотивацжуулж өгдөг. Энэ бол Америкийн бас нэгэн амжилтын жишээ гэж ойлгож байгаа. Read the rest of this entry →

Миний ойрд бодоод байгаа бодлыг Баабар яг мэдсэн юм шиг биччихэж. Сүүлийн үед хавь ойрны нэг хүн учиргүй бөө хувилгаан боллоо. Нэг хүнээр юм харуулах гэж очсон л гэнэ. Тэр нь чи их удамтай хүн байна бөө бол гэсэн л гэнэ. Бөө болохгүй бол гэрийнхнээс чинь нэг хүн “эвгүйтнэ” л гэсэн гэнэ. Бөө болоод бөөн хувцас зарсан л гэнэ. Бөөгийн хувцас нь бөөн мөнгө болсон л гэнэ. Аав ээж нь Завхан явах хэрэгтэй болсон гэнэ. Машин хэрэгтэй болж таараа. Өгч туслаач гэх мэтчилэн зөндөө юм хүссэн үедээ гуйдаг болж. Гээд нэг жишээ авъя. Хамгийн харамсалтай нь тэр “багш”-ийн (миний л үеийн охин байх) шавь гэж 20 гаруй хүн байна гэнэ. Хэцүү юм аа. Энэ бол зөвхөн нэг жишээ. Гадуур ийм багш, хувилгаад хэчнээн байгаа бол?. Эд бол жинхэнэ Баабарын хэлснээр “луйварчид” болоод байгаам.

Нэмээд энэ хэд хэдэн телевизээр байнга яриад байгаа эрэгтэй эмэгтэй хэсэг нөхдүүд байна аа. Яадаг гурвалжин, яадаг сүлд тахидаг хүмүүс. Ээ. Эд нар бас луйварчид. Хамгийн гол нь үүнийг сонсож, биширдэг хүмүүс их болж байгаа нь л миний хувьд их эмгэнэлтэй санагдаж байна. Бүр МУИС-ийн “онц сурлагатай” оюутан хүртэл бас л номыг нь тэвэрчихсэн их гоё гээд л явж байна. За за. Бааахан солиорчихлоо. Доор байгаа 2 цуврал нийтлэлийг уншаарай.Хувь хувьдаа л шинжлэх ухаанаа өмөөрдөг болцгооё тэхүү!

Нэгэн шинэ эдийн засгийн клуб байгуулагджээ. Энэхүү клубт эдийн засаг сонирхдог залуучууд хамрагдах бөгөөд өөрсдийн мэддэг чаддаг, сурсан мэдсэнээ бусадтай хуваалцаж байх юм. Хамгийн гол нь нэг асуудал хөндөөд түүнийгээ олон талаас нь ярьж хэлэлцвэл эдийн засагчдад, эдийн засаг сонирхогчид, оюутан залуучуудад маань хэрэгтэй юм болов уу гэж бодож байна. Энэхүү клубт амжилт хүсье. Энэ онлайн клубын хаяг www.ezmongol.com шүү.

7 сарын 1-нд ч айхтар өдөр байсан шүү. Анх удаагаа тийм юм харлаа. Иргэний дайн гэж ямар болдгийг анх удаагаа харлаа. Аймаар өдөр байлаа. Хэцүү өдөр байсан. Энд тэнд шөнө нь буун дуу гараад, нэг хүнд санаа зовоод, ер нь л аймаар гэдэг үг их тохирох юм байна. Одоохондоо би улс төр ярих болоогүй гэж боддог ч энэ хэдэн өдрүүдэд хүн болгонтой шахуу улс төр ярьчихсан хадуурчихсан явж байх юм аа.  Ярихаас яахав. хэхэ. За тэгээд дараах 4 өдөр бол хэцүү байлаа. Тархи угаалт гэдэг үг энэн дээр л мэдэгдэх юм. Энэ өдрүүдэд Pink Floyd – The Wall , George Harrison – Brainwashed зэрэг дуунуудыг л сонсож явах юм байнашд. Тэгээд аз таарч наадам болж сайхан намжаах шиг боллоо. Бусад мэдээллийн хэрэгслээр хангалттай гарсан болохоор илүүц биз.

Миний багын мөрөөдөл ингээд биелж эхэлж байх шиг байна. Хүн болгон л багадаа ямар нэгэн мөрөөдөлтэй байдаг. Миний хувьд яахав хэтэрхий том ч гэсэн бас их гоё мөрөөдөлтэй байж билээ. Энэ мөрөөдөлдөө хүрэхэд сэтгүүл гаргаж эхэлж, тэр зоригтой алхмыг хийсэн маань их нөлөөлж байсан юм байна. Тэр үед ямар ч азаар намайг Кёкүшюзан хөгжил сангийн Төмөрөө ах, Батзориг ах нар тоож сэтгүүлийн эхний дугааруудыг гаргасан юм. 10 жилийн нэг танихгүй хүүхэд үлгэр яриад ирэхэд тооно гэдэг би бас их азтай хүүхэд шүү. Дараа нь тэр сэтгүүл амжилт олооогүй ч гэсэн бас түүнээс гарах мөнгөөр хэмжээлшгүй, ямар нэгэн хэмжүүрээр хэмжихгүй үр дүн зөндөө гарсан. Тэр нь л гол учир нь байсан. түүнээс хойш олон ч юм бусдын буянд хийж ирлээ. Гайхалтай байсан шүү. Тухай бүрт нь проблемыг шийдэж, тэр бүгдээс кайф авч явна гэдэг нь өөрөө их гоё юм.

Read the rest of this entry →

За ингээд өдөр ирэх тусам хөгжиж байгаа интернэт ертөнц, виртуал ертөнцөд өөрийн гэсэн жоохон ч гэсэн зайг блог хэлбэрээр эзэлж эхэлж байна. Тэгээд юм хөгжөөд, вэб 2.0 гээч зүйл нь хөгжөөд хүн бүрийн өөрийн блогтой болох, вэбтэй болох асуудал “чихрийн цаас” болждээ. Цаашдаа тэгээд энэхүү блог дээрээ өөрийн хобби болон бас бус зүйлүүдийг нийтэлж байх болно. Хулгана жилийн Цагаан сарын шинийн 3-ны өдөр эхэлж байгаа нь сайхан байна шүү.